- Advertisement -
ఢిల్లీ: గురువారం ఢిల్లీలో టిఆర్ఎస్ పార్టీ భవన నిర్మాణానికి సిఎం కెసిఆర్ భూమి పూజ చేయనున్నారు. రేపు మధ్యాహ్నం 1.48 గంటలకు పార్టీ భవన నిర్మాణానికి భూమి పూజ చేస్తామని మంత్రి వేముల ప్రశాంత్ రెడ్డి తెలిపారు. టిఆర్ఎస్ అధినేత సిఎం కెసిఆర్, వర్కింగ్ ప్రెసిడెంట్ కెటిఆర్ భూమి పూజ చేస్తారన్నారు. దక్షిణాది నుంచి ఢిల్లీలో టిఆర్ఎస్ కార్యాలయం ఏర్పాటు చేసుకోవడం చరిత్రాత్మకమన్నారు. తెలంగాణ అభివృద్ధి పనులు దేశమంతా చాటిచెప్పేందుకు ఢిల్లీలో కార్యాలయం ఎంతో ఉపయోగపడుతుందన్నారు. కాళేశ్వరం ప్రాజెక్టు, మిషన్ భగీరథ, కల్యాణ లక్ష్మి, రైతుబంధు, రైతు భీమా, దళిత బంధు వంటి అనే పథకాలు ఎన్నో రాష్ట్రాలకు ఆదర్శంగా నిలిచాయన్నారు.
- Advertisement -