అమరావతి: రోడ్డు ప్రమాదంలో ముగ్గురు మృతి చెందిన సంఘటన ఆంధ్రప్రదేశ్ రాష్ట్రం గుంటూరు జిల్లా సత్తెనపల్లిలో జరిగింది. ఆటోను టిప్పర్ ఢీకొట్టడంతో ఈ ప్రమాదం జరిగినట్టు సమాచారం. పోలీసులు తెలిపిన వివరాల ప్రకారం…. ఉత్తర ప్రదేశ్ రాష్ట్రం కాన్పూర్‌కు చెందిన వివేక్ కుమార్, అభిషేక్, సుశీల్ కుమార్, ప్రేమ్ సంఘట్, ముస్తక్ అలీ(అస్సాం) చెందిన వ్యక్తులు సత్తెనపల్లిలోని ఓ స్పిన్నింగ్ మిల్లులో పని చేస్తున్నారు. గుంటూరు నుంచి స్పిన్నింగ్ మిల్లుకు ఆటోలో వెళ్తుండగా ఐదులాంతర్ల సెంటర్లలో రోడ్డుపై ట్రాక్టర్ ఆగిపోవడంతో ఆటోను డ్రైవర్ నెమ్మదిగా నడిపించారు. వెనక నుంచి దూసుకవచ్చిన టప్పర్ ఆటోను ఢీకొట్టడంతో ఆటో డ్రైవర్‌తో పాటు ముస్తక్ అలీ ఘటనా స్థలంలోనే చనిపోయాడు. అభిషేక్ ఆస్పత్రిలో చికిత్స పొందుతూ మరణించారు. పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు.