- Advertisement -
హైదరాబాద్: ఎటిఎంలో గుర్తుతెలియని వృద్ధుడు మృతిచెందిన సంఘటన కాచిగూడ పోలీస్‌స్టేషన్ పరిధిలో శుక్రవారం చోటుచేసుకుంది. అడ్మిన్ ఎస్సై శ్రీనివాస్ తెలిపిన వివరాల ప్రకారం.. గుర్తుతెలియని వృద్ధుడు (65) గోల్నాక డివిజన్ కబేళా సమీపంలో గల ఇండీస్‌ల్యాండ్ ఎటిఎంలో వృద్ధుడు మృతి చెంది ఉన్నాడు. స్థానికులు అందించిన సమాచారంతో కాచిగూడ పోలీసులు ఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. మృతుడు ఒంటిపై లేత నీలిరంగు చొక్క, ఆకుపచ్చ రంగు ప్యాంట్ ధరించి, ఎత్తు 5.5 ఉన్నట్లు పోలీసులు తెలిపారు. ఈ మేరకు కాచిగూడ పోలీసులు కేసు నమోదు చేసుకుని దర్యాప్తు చేస్తున్నారు.
Unidentified old man dies at ATM
- Advertisement -