బిగ్ బాస్ విన్నర్ విజె సన్నీ, సప్తగిరి హీరోలుగా డైమండ్ రత్నబాబు దర్శకత్వంలో ప్రేక్షకుల ముందుకు వచ్చిన హిలేరియస్ ఎంటర్‌టైనర్ ’అన్ స్టాపబుల్’. నక్షత్ర, అక్సాఖాన్ హీరోయిన్లుగా నటించిన ఈ చిత్రాన్ని ఎ2 బి ఇండియా ప్రొడక్షన్ బ్యానర్‌పై నిర్మాత రజిత్ రావు గ్రాండ్ గా నిర్మించారు. తాజాగా ప్రపంచవ్యాప్తంగా విడుదలైన ఈ చిత్రం అన్ని వర్గాల ప్రేక్షకులని అలరించి రియల్ బ్లాక్‌బస్టర్ విజయాన్ని అందుకుని సక్సెస్‌ఫుల్‌గా రన్ అవుతోంది. ఈ నేపథ్యంలో హైదరాబాద్‌లో నిర్వహించిన సక్సెస్‌ మీట్‌లో హీరో సన్నీ మాట్లాడుతూ “అన్ స్టాపబుల్’ చూసిన ప్రేక్షకులందరూ సినిమా బాగుంది, చాలా ఎంజాయ్ చేశామని చెప్పడం ఆనందంగా వుంది.
నిర్మాత రజిత్ రావు సినిమాపై ప్యాషన్‌తో ఎక్కడా రాజీపడకుండా ఈ సినిమా చేశారు” అని అన్నారు. దర్శకుడు డైమండ్ రత్నబాబు మాట్లాడుతూ “అన్‌స్టాపబుల్’ని మంచి సినిమా అని ప్రేక్షకులు మెచ్చుకోవడం ఆనందంగా వుంది. హాయిగా నవ్వించాలనే ఉద్దేశంతో ఈ సినిమా చేశాను. ప్రేక్షక దేవుళ్ళు ఇచ్చిన తీర్పు రియల్ బ్లాక్ బస్టర్. ఇకపై అన్నీ నవ్వించే సినిమాలే చేస్తాను”అని తెలిపారు. నిర్మాత రజిత్ రావు మాట్లాడుతూ “ఒక మంచి సినిమాని ప్రేక్షకులకు అందించాలనే ఉద్దేశంతో నిర్మాతగా మారాను. ఎక్కడ కూడా లాభం గురించి ఆలోచించలేదు. కొత్తవారికి అవకాశాలు ఇవ్వాలని అనుకున్నాను. ’అన్ స్టాపబుల్’ని రియల్ బ్లాక్ బస్టర్ చేసిన ప్రేక్షకులకు ప్రత్యేక కృతజ్ఞతలు. ’అన్ స్టాపబుల్ 2’ని మళ్ళీ డైమండ్ రత్నబాబు దర్శకత్వంలో చేస్తున్నాం”అని పేర్కొన్నారు. ఈ కార్యక్రమంలో అక్సాఖాన్ పాల్గొన్నారు.