హైదరాబాద్: యూనియన్ పబ్లిక్ సర్వీస్ కమిషన్ ద్వారా ఈనెల 21న నిర్వహించనున్న కంబైన్డ్ మెడికల్ సర్వీసెస్, ఇంజనీరింగ్ సర్వీసెస్ మెయిన్ పరీక్షలు సజావుగా నిర్వహించేందుకు సంబంధిత అధికారులు సమన్వయంతో పనిచేయాలని జిల్లా అదనపు కలెక్టర్ ఎం. వెంకటేశ్వర్లు ఆదేశించారు. జిల్లాలో కంబైన్డ్ సర్వీసెస్ 14 కేంద్రాల్లో 6వేల మంది అభ్యర్థులు, ఇంజనీరింగ్ సర్వీసెస్ మెయిన్ ఒక కేంద్రంలో 110మంది అభ్యర్థులు పరీక్షలకు రాస్తున్నారని తెలిపారు. ఈపరీక్షలు రెండు సెషన్లు ఉదయం 9 గంటల నుంచి 11.30 గల వరకు, మధ్యాహ్నం 2 గటల నుంచి 4 గంటల వరకు ఇంజనీరింగ్ సర్వీసెస్ మెయిన్ ఉదయం 9 గంటల నుండి 12 గంటల వరకు, మధ్యాహ్నం 2 గంటల నుంచి 5 గంటల వరకు జరుతాయన్నారు.
అభ్యర్దులు డౌన్‌లోడ్ చేస్తుకున్న ఈ ఆడ్మిట్ కార్డుతో పాటు గుర్తింపు కార్డు తప్పనిసరిగా తమ వెంట తీసుకురావాలన్నారు. ఈపరీక్షలకు హాజరయ్యే అభ్యర్దులు కోవిడ్ నిబంధనల ప్రకారం మాస్కులు, శానిటైజర్లు, సోషల్ డిస్టెన్స్ పాటించాలని తెలిపారు. గంట ముందుగానే పరీక్ష కేంద్రాలకు చేరుకోవాలని సూచించారు. ఎలక్ట్రానిక్ గ్యాడ్జెస్ పరీక్ష కేంద్రంలోనికి అనుమతి లేదని స్పష్టం చేస్తూ, మొబైల్ పోన్లు, టాబ్లెట్స్, పెన్డైవ్స్, వాచీలు, క్యాలీకులేటర్లు, వ్యాలెట్స్, ఇతర రికార్డింగ్ పరికరాలకు అనుమతి లేదన్నారు. హాల్ టిక్కెట్లు సూచించిన పరీక్ష కేంద్రాల్లో మాత్రమే పరీక్షకు హాజరు కావాలని తెలిపారు. పరీక్ష కేంద్రాల వద్ద వెన్యూ సూపర్‌వైజర్లతో పాటు లోకల్ ఇన్పెక్షన్ ఆఫీసర్లు ఉంటారని తెలిపారు.