ఐపిఎల్ లొ చరిత్ర సృష్టించిన వైభవ్ సూర్యవంశీ..

యంగ్ క్రికెటర్ వైభవ్ సూర్యవంశీ ఐపిఎల్ లో చరిత్ర సృష్టించాడు. అతి పిన్న వయసు (14 ఏళ్ల 23 రోజులు)లో అరంగేట్రం చేసిన ప్లేయర్ గా రికార్డు నెలకొల్పాడు. ఇప్పటివరకు ప్రయాస్ రే బర్మన్ (16 ఏళ్ల 157 రోజులు) పేరిట ఈ ఘనత ఉన్నది. మెగా వేలంలో వైభవన్ ను రాజస్థాన్‌ రాయల్స్‌.. రూ.1.10 కోట్లకు దక్కించుకుంది. వేలంలో అమ్ముడుపోయిన అతిపిన్న వయసు క్రికెటర్ గానూ వైభవ్ అరుదైన ఘనత సాధించాడు. కాగా, శనివారం లక్నో సూపర్ గెయింట్స్ జట్టుతో రాజస్థాన్ రాయల్స్ తలపడింది. ఈ మ్యాచ్ లో ఇంపాక్ట్ ప్లేయర్‌గా బ్యాటింగ్‌కు వచ్చిన వైభవ్.. తొలి బంతినే సిక్స్ కొట్టాడు. ఈ మ్యాచ్ లో 20 బంతులు ఎదర్కొన్కన వైభవన్ రెండు ఫోర్లు, మూడు సిక్స్‌లతో 34 పరుగులు చేశాడు. అయితే, ఈ మ్యాచ్ లో లక్నో అనూహ్య విజయం సాధించింది. చివరి బంతి వరకు ఉత్కంఠభరితంగా సాగిన ఈ పోరులో లక్నో 2 పరుగుల తేడాతో రాజస్థాన్ ను ఓడించింది.

ఈ మ్యాచ్ లో తొలుత బ్యాటింగ్ చేసిన లక్నో 20 ఓవర్లలో ఐదు వికెట్ల నష్టానికి 180 పరుగులు చేసింది. ఓపెనర్ మార్‌క్రమ్ (66), అయుష్ బడోని (50) అర్ధ సెంచరీలతో రాణించారు. ఇక విధ్వంసక ఇన్నింగ్స్ ఆడిన సమద్ 10 బంతుల్లోనే 4 సిక్స్‌లతో అజేయంగా 30 పరుగులు చేశాడు. తర్వాత బ్యాటింగ్‌కు దిగిన రాజస్థాన్ నిర్ణీత ఓవర్లలో 5 వికెట్లకు 178 పరుగులు మాత్రమే చేసి ఓటమి పాలైంది.