అఖిల్, పూజా హెగ్డే జంటగా ‘బొమ్మరిల్లు’ భాస్కర్ దర్శకత్వంలో తెరకెక్కిన చిత్రం ‘మోస్ట్ ఎలిజిబుల్ బ్యాచ్‌లర్’. అల్లు అరవింద్ సమర్పణలో వాసు వర్మ, బన్నీ వాసు నిర్మించిన ఈ సినిమా ఈ నెల 15న విడుదలవుతోంది. ఈ సందర్భంగా వాసు వర్మ మీడియాతో మాట్లాడుతూ “గీతా ఆర్ట్‌లో కథను సిద్ధం చేసే క్రమంలో బన్నీ వాసు ప్రొడక్షన్స్ చేయమని ప్రపోజల్ పెట్టాడు. అప్పుడు బొమ్మరిల్లు భాస్కర్‌తో సినిమా చేయాలని అనుకున్నాను. భాస్కర్ ఈ కథ చెప్పగానే నచ్చింది. వెంటనే అల్లు అరవింద్‌కి చెప్పగా ఆయనకు నచ్చింది. భాస్కర్ ఫ్రెష్ పాయింట్‌తో ప్రేక్షకుల ముందుకు వస్తున్నాడు. పెళ్లి నేపథ్యంలో జరిగే కొన్ని కీలక సంఘటనల ఆధారంగా ‘మోస్ట్ ఎలిజిబుల్ బ్యాచ్‌లర్’ సినిమా ఉంటుంది. అన్ని అంశాలు ఈ సినిమాలో ఉన్నాయి. సినిమా అందరికీ కనెక్ట్ అవుతుంది. అఖిల్ ఈ సినిమాలో రెండు డిఫరెంట్ షేడ్స్‌లో కనిపించబోతున్నాడు. పూజ, తనకు మధ్య కెమిస్ట్రీ అద్భుతంగా ఉంటుది. అఖిల్ ది బెస్ట్ పర్ఫార్మెన్స్ ఇచ్చాడు”అని అన్నారు.
Vasu Varma about Most Eligible Bachelor movie