స్టార్ హీరో విజయ్ దేవరకొండ నటిస్తున్న క్రేజీ మూవీ ‘వీడీ 12‘. నేషనల్ అవార్డ్ విన్నింగ్ డైరెక్టర్ గౌతమ్ తిన్ననూరి ఈ చిత్రాన్ని రూపొందిస్తున్నారు. శ్రీకర స్టూడియోస్ సమర్పణలో సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్స్ పై నాగవంశీ, సాయి సౌజన్య భారీ పాన్ ఇండియా చిత్రంగా నిర్మిస్తున్నారు. అనౌన్స్‌మెంట్ నుంచే ‘వీడీ 12‘ సినిమా దేశవ్యాప్తంగా మూవీ లవర్స్ దృష్టిని ఆకర్షిస్తోంది. మేకర్స్ ‘వీడీ 12‘ సినిమా టైటిల్ టీజర్ రిలీజ్ డేట్ అనౌన్స్‌మెంట్ చేశారు. ఈ నెల 12వ తేదీన ‘వీడీ 12‘ సినిమా టైటిల్, టీజర్ రిలీజ్ చేస్తున్నట్లు ప్రకటించారు.
ఈ అనౌన్స్‌మెంట్ పోస్టర్‌లో కిరీటాన్ని చూపించడంతో పాటు ’ది సైలెంట్ క్రౌన్, అవేట్స్ ది కింగ్..’ అని రాసిన క్యాప్షన్ ఆసక్తి రేపుతోంది. ప్రేక్షకులకు ఎప్పటికీ గుర్తుండిపోయే ఓ మరచిపోలేని మూవీని అందించేందుకు ‘వీడీ 12‘ టీమ్ శ్రమిస్తోంది. దీంతో ఈ టైటిల్ టీజర్ ఎలా ఉండబోతుందా.. ఇది ఎలాంటి సంచలనం సృష్టిస్తుందా అని అభిమానులు ఆసక్తిగా చూస్తున్నారు. అయితే టైటిల్ టీజర్ కోసం పలువురు పాన్ ఇండియా హీరోలు తమ గొంతు ఇస్తున్నట్లు తెలుస్తోంది. ఇప్పటికే ఈ చిత్ర హిందీ టైటిల్ టీజర్‌కు బాలీవుడ్ హీరో రణ్‌బీర్ కపూర్ వాయిస్ ఇచ్చాడని సమాచారం.
ఇక తెలుగులో ఈ టైటిల్ టీజర్‌కు మ్యాన్ ఆఫ్ మాసెస్ జూ.ఎన్టీఆర్ తన వాయిస్ ఇస్తాడని.. తమిళ్‌లో సూర్య లేదా ధనుష్‌లో ఒకరు తమ వాయిస్ ఇవ్వనున్నట్లు తెలుస్తోంది. ఇక ఈ సినిమాలో విజయ్ దేవరకొండ పాత్ర అల్టిమేట్‌గా ఉండబోతుందని చిత్ర యూనిట్ తెలిపింది. ఈ సినిమాకు అనిరుధ్ రవిచందర్ మ్యూజిక్ అందిస్తున్నాడు.