కల్వకుర్తి: కల్వకుర్తి కూరగాయల మార్కెట్‌లో కూరగాయల ధరలు ఆకాశాన్ని అంటుతున్నాయి. మండుతున్న ఎండలకు కూరగాయల పంటలు తగ్గడంతో కూరగాయల ధరలు ఆకాశాన్ని అంటుతున్నాయి. పెరిగిన ధరలతో వండుకుండానే వంటింట్లో కూరగాయల ధరలు సెగలు కక్కుతున్నాయి. పెరిగిన ధరలతో పేద, మధ్య తరగతి గృహిణిలు చాలా ఇబ్బందులు పడుతున్నారు.
సెంచరీకి చేరువలో టమాట ధర
కూరగాయల ధరలు రోజురోజుకు పెరిగిపోతున్నాయి. కల్వకుర్తి కూరగాయల మార్కెట్‌లో ఆదివారం సంత రోజు టమాట కిలో ధర 80 రూపాయలకు చేరుకుంది. ఇక పచ్చిమిచ్చి ధర అయితే చెప్పలనవి కానే కాదు రోట్లో నూరకుండానే మిర్చి ధర ఘాటు నషాలానికి ఎక్కుతుంది. ఆదివారం కూరగాయల సంతనాడు కిలో పచ్చిమిర్చి ధర 160 కి చేరుకుంది. దీంతో పచ్చిమిర్చి కొనాలంటేనే జంకే పరిస్థితి ఏర్పడింది. టమాట, పచ్చిమిర్చితో పాటు ఇతర కూరగాయాల ధరలు కూడా అదే మాదిరిగా ఆకాశం అందుతున్నాయి. ఏ కూరగాయలు ముట్టుకున్న కిలో 50 రూపాయలపైనే ఉండడంతో ఏం కొనాలో ఏం తినాలో అర్థం కాని పరిస్థితిలో పేద, మధ్య తరగతి వర్గాల ప్రజలు ఉన్నారు.
ఆదివారం కూరగాయల ధరలు ఇలా ఉన్నాయి
కల్వకుర్తి కూరగాయల మార్కెట్‌లో ఆదివారం రోజు కూరగాయల ధరలు ఇలా ఉన్నాయి. టమోటాలు కిలో 80 రూపాయలు కాగా పచ్చిమిర్చి 140 నుంచి 160 మధ్య ఉంది. బెండకాయ 120, వంకాయలు 80 రూపాయలు ఇలా అన్ని కూరగాయల ధరలు మండుతున్నాయి. వీటికి తోడు ఆకుకూరల ధరలు కూడా ఎక్కువగా ఉండడంతో వినియోగదారుల పరిస్థితి ఏం కొనేటట్టు లేదు ఏది తినేటట్టు లేదన్న చందంగా మారిందని పలువురు గృహిణిలు పేర్కొంటున్నారు.
కూరగాయల ధరలు ఇట్లుంటే తినేది ఎలా ః గృహిణి శ్రీవాణి
కల్వకుర్తి కూరగాయల మార్కెట్‌లో ధరలు ఆకాశాన్నంటుతున్నాయి. ఏ కూరగాయ కొందామన్న ధరలు పెరిగిపోయాయి. నిత్యావసర కూరగాయల ధరలు ఇలా ఉంటే కొనేదెలా తీనెదెలా అని కల్వకుర్తి మండలం పంజుగుల గ్రామానికి చెందిన గృహిణి శ్రీవాణి పేర్కొంటున్నారు.