వివిధ దేశాల నడుమ భాగస్వామ్యాన్ని ప్రోత్సహించడానికి, విప్లవాత్మక ఆరోగ్య సంరక్షణ పరిష్కారాలను ముందుకు తీసుకెళ్లడానికి, హెల్త్‌కేర్ ఇన్నోవేషన్ కోసం ప్రముఖ గ్లోబల్ ప్లాట్‌ఫారమ్ అయిన వెంచర్బ్లిక్, భారతదేశంలో అగ్రగామి సాంకేతిక ఇంక్యుబేటర్, యాక్సిలరేటర్ అయిన టి-హబ్‌తో అవగాహన ఒప్పందం (MOU) పై సంతకం చేసినట్లు వెల్లడించింది. భారతీయ హెల్త్‌కేర్ స్టార్టప్‌ల గ్లోబల్ విస్తరణ దిశగా తమ భాగస్వామ్య లక్ష్యాన్ని ప్రకటించేందుకు వెంచర్బ్లిక్, టి-హబ్ ఈ సదస్సును నిర్వహించాయి. వెంచర్బ్లిక్, దక్షిణాసియా ఆపరేషన్స్ హెడ్ డాక్టర్ కైలాష్ జియల్దాసాని, వెంచర్బ్లిక్ వ్యవస్థాపకుడు & సీఈఓ క్రిస్ లీ, టి -హబ్ సిఓఓ వింగ్ కమాండర్ (రిటైర్డ్) ఆంథోనీ అనీష్, సమక్షంలో ఈ సదస్సు హైదరాబాద్‌లోని టి-హబ్‌లో జరిగింది. ఈ కార్యక్రమానికి ముఖ్య అతిథిగా తెలంగాణ ప్రభుత్వ ప్రత్యేక ప్రధాన కార్యదర్శి, పరిశ్రమలు & వాణిజ్య (I&C) శాఖ, & ఇన్ఫర్మేషన్ టెక్నాలజీ, ఎలక్ట్రానిక్స్, కమ్యూనికేషన్స్ (ITE&C) డిపార్ట్‌మెంట్ శ్రీ జయేష్ రంజన్, ఐఏఎస్ హాజరయ్యారు.
ఈ భాగస్వామ్యం ప్రాథమిక లక్ష్యం ఆవిష్కరణలను ప్రోత్సహించే పర్యావరణ వ్యవస్థను సృష్టించడం, దేశాల మధ్య విజ్ఞాన మార్పిడి, భారతదేశం వెలుపల ఆరోగ్య సంరక్షణ స్టార్టప్‌లకు పంపిణీ, మార్కెటింగ్ మద్దతు అందించటం.
ఈ పరిణామంపై వెంచర్బ్లిక్- దక్షిణాసియా ఆపరేషన్స్ హెడ్ డాక్టర్ కైలాష్ జియాల్‌దసాని మాట్లాడుతూ.. ” తమ వైద్య పరికరాలలో 70-80% భారతదేశం దిగుమతి చేసుకుంటుంది. భారతదేశం కోసం మాత్రమే కాకుండా ప్రపంచం కోసం, వినూత్నమైన ఆరోగ్య సంరక్షణ సాంకేతికతను రూపొందించడానికి భారతీయ పారిశ్రామికవేత్తలను మేము శక్తివంతం చేయాలనుకుంటున్నాము” అని అన్నారు.
వెంచర్బ్లిక్ మొదట సింగపూర్, కొరియాలో స్థాపించబడింది. ఆ మార్కెట్లలో స్టార్టప్‌ల వృద్ధిని ప్రోత్సహించింది. సింగపూర్, కొరియాలో చెప్పుకోదగ్గ విజయాన్ని సాధించిన వెంచర్బ్లిక్ ఇప్పుడు 2000 మందికి పైగా ఆరోగ్య సంరక్షణ నిపుణులు, సలహాదారులు, ఆవిష్కర్తలు, పెట్టుబడిదారులు, పంపిణీదారుల నెట్‌వర్క్‌తో భారతదేశంలోకి విస్తరిస్తోంది. ఫార్మా, మెడ్‌టెక్‌ విభాగాలలో 3 ఖండాల్లోని 10 దేశాలలో 30+ సంవత్సరాల అనుభవం కలిగిన వెంచర్బ్లిక్ వ్యవస్థాపకుడు, సీఈఓ క్రిస్ లీ మాట్లాడుతూ “వినూత్నమైన ఆరోగ్య సంరక్షణ పరిష్కారాలకు సరిహద్దులు లేని కారణంగా దేశాల మధ్య సహకారాన్ని సాధించడానికి మేము ఇక్కడ ఉన్నాము. భారతదేశంలో పుట్టిన ఒక ఆలోచన కొరియా, చైనా లేదా యూరప్‌లో ఆరోగ్య సంరక్షణలో విప్లవాత్మక మార్పులు చేయగలదు. సరిహద్దులు, రంగాలలో బలమైన భాగస్వామ్యాలను ఏర్పరచడం ద్వారా, ప్రపంచ ఆరోగ్య సంరక్షణ ఆవిష్కరణలను ముందుకు తీసుకెళ్లే అవకాశాలను మేము వెలికితీస్తాము” అని అన్నారు. క్రిస్ ఇటీవల తన జీవిత చరిత్ర, “ది ఏషియన్ మావెరిక్”, ఆరోగ్య సంరక్షణ రంగంలో తన ప్రయాణాన్ని వివరిస్తూ రాశారు.
టి- హబ్ విస్తృతమైన మెంటర్ల నెట్‌వర్క్, ఆవిష్కరణల యొక్క ట్రాక్ రికార్డ్‌ను కలిగి ఉంది. టి- హబ్ తో వెంచర్బ్లిక్ భాగస్వామ్యం భారతీయ హెల్త్‌కేర్ స్టార్టప్‌లకు వారి ప్రపంచ విస్తరణ ప్రయత్నాలలో మద్దతునివ్వడం లక్ష్యంగా పెట్టుకుంది. టి- హబ్ యొక్క నిరూపితమైన ఫ్రేమ్‌వర్క్, 6Ms, 2Pలపై దృష్టి సారించింది, 2,000 కంటే ఎక్కువ స్టార్టప్‌లను పెంపొందించింది. 100+ ఇన్నోవేషన్ ప్రోగ్రామ్‌లకు నాయకత్వం వహించింది, వ్యవస్థాపక విజయం, సహకారానికి దాని నిబద్ధతను ఇది నొక్కి చెబుతుంది.
భారతదేశంలోని హెల్త్‌కేర్ స్టార్టప్‌లు ఇప్పుడు తమ ప్రపంచ వృద్ధిని సాధించడానికి వెంచర్బ్లిక్ మరియు టి-హబ్ అందించే అన్ని ఇంటెల్‌లను పొందవచ్చు. మెడికల్ ధ్రువీకరణ, క్లినికల్ ట్రయల్స్, మార్కెట్ మ్యాపింగ్, రెగ్యులేటరీ ఆమోదాలు, గో-టు-మార్కెట్ వ్యూహాలు వంటి విభిన్న పరిష్కారాలు వారి సరిహద్దు విస్తరణను సాధ్యం చేయగలదు.
ఈ మొత్తం భాగస్వామ్యంపై, టి- హబ్ సిఓఓ వింగ్ కమాండర్ (రిటైర్డ్) ఆంథోనీ అనిష్ మాట్లాడుతూ.. “టి- హబ్ వద్ద, మేము ఆరోగ్య సంరక్షణ సాంకేతికతలో అద్భుతమైన పరిష్కారాలను పెంపొందించడానికి కట్టుబడి ఉన్నాము. వెంచర్‌బ్లిక్‌తో మా భాగస్వామ్యం ద్వారా, భారతీయ స్టార్టప్‌లకు అత్యాధునిక సాంకేతిక పరిజ్ఞానం సొంతం చేసుకోవటానికి అవసరమైన వనరులను అందించడం, ప్రపంచవ్యాప్తంగా వారి ఆవిష్కరణలను స్కేల్ చేయడానికి మద్దతు ఇవ్వడం మేము లక్ష్యంగా పెట్టుకున్నాము” అని అన్నారు
వెంచర్బ్లిక్ ఈ రంగంలో హెల్త్‌కేర్ ఇన్నోవేషన్, స్టార్టప్‌లను ముందుకు తీసుకెళ్లడానికి ఇన్నోవేటర్‌లు, ఫిజిషియన్‌లు, ఇన్వెస్టర్లు, డిస్ట్రిబ్యూటర్‌లు, ఇండస్ట్రీ నిపుణులను ఏకతాటిపైకి తీసుకురావడానికి డిస్కవరీ అనే హెల్త్ టెక్ ఇన్నోవేషన్ ప్లాట్‌ఫారమ్‌ను ప్రారంభిస్తోంది. ఇది గ్లోబల్ హెల్త్‌కేర్ కమ్యూనిటీని చేరుకునేందుకు భారతీయ ఆవిష్కర్తలకు అవకాశం అందిస్తుంది.