న్యూఢిల్లీ: నటుడు షారూఖ్ ఖాన్ నుంచి చాలా కాలంగా ఎదురుచూస్తున్న ‘పఠాన్’ సినిమా విడుదలకు ముందే వివాదంలో చిక్కుకుంటోంది. దీపిక పదుకోణ్ తో తీసిన ‘బేషరమ్ రంగ్’ పాటను విడుదల చేశాక మరింతగా అగ్గిమీద గుగ్గిలం అవుతోంది. ఆ పాట విడుదలైనప్పటి నుంచి మధ్యప్రదేశ్ హోం మంత్రి నరోత్తమ్ మిశ్రా సహా హిందు సంస్థలు, బిజెపి నాయకులు ఆక్షేపణలు తెలుపుతున్నారు. ‘బేషరమ్ రంగ్ కహా దేఖా దునియా వాలోనే’ అనే ఆ పాటలో నటి దీపిక కాషాయ రంగు దుస్తులు ధరించి నటించింది.
ఇప్పుడు విశ్వహిందూ పరిషద్(విహెచ్‌పి) జాతీయ ప్రతినిధి వినోద్ బన్సల్ కూడా ఆ వీడియోను షేర్ చేస్తూ దుమ్మెతిపోశారు. ముఖ్యంగా దీపిక డ్రెస్‌ను విమర్శించారు. వినోద్ బన్సల్ ఆ చిత్ర నిర్మాతను, నటీనటులపై విరుచుకుపడ్డారు. “కాషాయ రంగును ‘సిగ్గుమాలిన రంగు’ అంటూ ‘పఠాన్’ సినిమాలో పాట పెట్టారు. అది వారి మనోస్థితిని ప్రస్ఫుటం చేస్తోంది….ఇది సిగ్గుమాలిన పని. హిందూ సమాజం దీనిని సహించదు” అన్నారు. హిందూ వ్యతిరేకతకు కూడా ఓ హద్దంటూ ఉంది. దీనిని మేము ఎంత మాత్రం సహించం. బాలీవుడ్‌ను అపఖ్యాతిపాలు చేస్తున్న ఈ టుక్డే టుక్డే గ్యాంగ్‌ను ఏ మాత్రము సహించబోము అని ఆయన ఆ వీడియోకు శీర్షిక కూడా పెట్టారు. ఇదిలావుండగా ‘బేషరమ్’ పాటకు నిరసనగా వీర్ శివాజీ గ్రూప్ కార్యకర్తలు వీధుల్లోకి వచ్చి నిరసన ప్రదర్శించారు. అంతేకాక షారూఖ్ ఖాన్ దిష్టి బొమ్మను కూడా దగ్ధం చేశారు. సినిమాలోని ఆ పాట తమ సమాజం మనోభావాలను దెబ్బతీసేదిగా ఉందన్నారు.
షారూఖ్ ఖాన్ నటిస్తున్న ‘పఠాన్’సినిమా దర్శకుడు సిద్ధార్థ్ ఆనంద్. దానిని యశ్ రాజ్ ఫిలిమ్స్ రూపొందిస్తోంది. అందులో షారూఖ్ ఖాన్, దీపిక పదుకోణ్, జాన్ అబ్రాహం నటించారు. ఆ సినిమాను హిందీ, తమిళ్, తెలుగులో నిర్మించారు. జనవరి 25న థియేటర్లలో విడుదల కాబోతున్నది.
इस्लाम के मानने वाले पठान क्या ऐसे दृश्य मुस्लिम चिन्हों के साथ किसी महिला के साथ फ़िल्मा सकते हैं!! लव जेहादियों के बेहूदेपन की भी हद है..!! pic.twitter.com/FKkYWASQ7X
— विनोद बंसल Vinod Bansal (@vinod_bansal) December 15, 2022
भगवा को बेशर्म बता एक हिंदू महिला को भगवा लंगोट पहना कर इस्लामिक जिहादियों की कठपुतली बनते हुए दिखाना क्या बोल्ड सीन है? हिंदुद्रोह की भी हद है! बॉलीवुड को बदनाम कर उसको कलंकित करने वाले इन भाईजानो और टुकड़े टुकड़े गैंग को हिंदू समाज अब और नहीं झेल पाएगा..#banPathaan pic.twitter.com/zZOPA2lsDA
— विनोद बंसल Vinod Bansal (@vinod_bansal) December 15, 2022