అహ్మదాబాద్‌: ఇంగ్లండ్ జట్టుతో జరుగుతున్న నిర్ణయాత్మకమైన ఐదోటీ20లో భారత్ స్టార్ ఓపెనర్ రోహిత్ శర్మ, సూర్యకుమార్ యాదవ్ మెరుపులు మెరిపించారు. దీంతో భారత్ స్కోరు రాకెట్ స్పీడ్ తో దూసుకుపోయింది. టాస్ ఓడి ముందుగా బ్యాటింగ్ చేపట్టిన టీమిండియాకు కెప్టెన్ కోహ్లీ, రోహిత్ శర్మలు తొలి వికెట్ కు భారీ భాగస్వామ్యం అందించారు. ఇద్దరు భారీ షాట్లతో ఇంగ్లండ్ బౌలర్లపై విరుచుకుపడ్డారు. ముఖ్యంగా రోహిత్ కేవలం 34 బంతుల్లోనే 4 ఫోర్లు, 5 సిక్స్ లతో 64 పరుగులు చేశారు. అనంతరం సూర్యకుమార్ యాదవ్ క్రీజులోకి వచ్చి రాగానే భారీ షాట్లతో విరుచుకుపడ్డాడు.17 బంతుల్లోనే 3ఫోర్లు, 2 సిక్స్ లతో 34 పరుగులు చేశాడు. వీరితోపాటు కోహ్లీ కూడా తన మార్క్ షాట్లతో చెలరేగాడు.ఈ క్రమంలో కోహ్లీ 36 బంతుల్లో అర్థ శతకం పూర్తి చేశాడు. దీంతో భారత్ 16 ఓవర్లలో 2 వికెట్లు కోల్పోయి 170 పరుగుల చేసింది. ప్రస్తుతం క్రీజులో కోహ్లీ(55), హర్దిక్ పాండ్యా(15)లు ఉన్నారు.
Virat Kohli Hits Half Century in 5th T20 against ENG