దుబాయి: రానున్న మ్యాచుల్లో ఇకపై యువ ఆటగాళ్లకే ఎక్కువ ప్రాధాన్యత ఇస్తామని సన్‌రైజర్స్ హైదరాబాద్ కోచ్ ట్రెవర్ బైలిస్ స్పష్టం చేశాడు. తమ జట్టు ఇప్పటికే ప్లేఆఫ్ రేసు నుంచి నిష్క్రమించడంతో ప్రయోగాలకు వెనుకాడబోమన్నాడు. అందుకే కిందటి మ్యాచ్‌లో సీనియర్లు కేదార్ జాదవ్, మనీష్ పాండే, డేవిడ్ వార్నర్ తదితరులను తుది జట్టుకు ఎంపిక చేయలేదన్నాడు. వచ్చే మ్యాచుల్లో కూడా వీరికి అవకాశం లభిస్తుందని తాను భావించడం లేదన్నాడు. ఎలాగో నాకౌట్ దశకు చేరుకునే అవకాశం లేకపోవడంతో రిజర్వ్ బెంచ్ ఆటగాళ్లకు ఛాన్స్ ఇవ్వాలని భావిస్తున్నట్టు తెలిపాడు.
ఇక తమ జట్టు పేలవమైన ప్రదర్శనకు సమష్టి వైఫల్యమే కారణమన్నాడు. బ్యాటింగ్, బౌలింగ్ విభాగాల్లో విఫలం కావడం వల్లే వరుస ఓటములు ఎదురయ్యాయన్నాడు. ప్రస్తుతం తమ జట్టుపై ఎలాంటి ఒత్తిడి లేదన్నాడు. దీంతో రానున్న మ్యాచుల్లో ప్రయోగాలు చేస్తామన్నాడు. ఈ సీజన్‌లో ఇప్పటి వరకు అవకాశం దొరకని ఆటగాళ్లకు రానున్న మ్యాచుల్లో అవకాశం కల్పిస్తామన్నాడు.
Wanted to give chance to young players: SRH Coach