- Advertisement -
పుణే: ఐసిసి వన్డే ప్రపంచకప్ 2023 లీగ్ దశలో భాగంగా మహారాష్ట్ర క్రికెట్ అసోషియేషన్ స్టేడియం వేదికగా జరుగుతున్న మ్యాచ్‌లో బంగ్లాదేశ్, టీమిండియాకు 257 పరుగుల లక్ష్యాన్ని నిర్దేశించింది. బంగ్లాదేశ్ బ్యాట్స్ మెన్లలో ఓపెనర్లు తంజిడ్ హసన్(51), లిట్టన్ దాస్(66)లు అర్థ శతకాలతో రాణించారు.
మిడిలార్డర్లో ముష్ఫీకర్ రహీమ్(38), మహ్మదుల్లా(46)లు ఫర్యాలేదనిపించారు. దీంతో బంగ్లాదేశ్ జట్టు నిర్ణీత 50 ఓవర్లలో 8 వికెట్ల నష్టానికి 256 పరుగులు చేసింది. భారత బౌలర్లలో బుమ్రా, సిరాజ్, రవీంద్ర జడేజాలు రెండేసి వికెట్లు పడగొట్టగా.. కుల్దీప్ యాదవ్, శార్ధుల్ ఠాకూర్ తలో వికెట్ తీశారు.
- Advertisement -