తెలుగు పండుగకు వేళాయే

మన తెలంగాణ/హైదరాబాద్ : ప్రపంచ తెలుగు సమాఖ్య 12వ ద్వైవార్షిక మహాసభలకు హైదరాబాద్ ముస్తాబైంది. జనవరి 3 నుంచి 5వ తేదీ వరకు హెచ్‌ఐసిసి నోవాటెల్‌లో ఈ మహాసభలు అంగరంగ వైభవంగా జరగనున్నాయి. ప్రపంచ వ్యాప్తంగా ఉన్న తెలుగువారిని సంఘటిత పరచి, తెలుగు భాష, సాహి త్యం, సంస్కృతి, కళలు, సాంప్రదాయ విలువలను, తెలుగు జాతి వారసత్వ సంపదను పరిపోషిస్తూ నేటితరం, భావితరాల కు అందించే లక్షంతో ఈ సభలను నిర్వహిస్తున్నారు. ప్ర పంచ తెలుగు సమాఖ్య అధ్యక్షురాలు ఇందిరాదత్ ఆధ్వర్యంలో జరుగుతున్న ఈ మహాసభలకు ఏర్పాట్లను పూర్తి చేశారు. వివిధ రంగాల కు చెందిన ఎంతోమంది తెలుగు ప్రముఖులు ఈ మహాసభలకు హాజరవుతున్నారు. రాజకీయ నాయ కులు, సినీకళాకారులు, సాహితీ వేత్తలు, వ్యాపార ప్రముఖులు, ఇతర రంగాల కు చెందినవారు కూడా ఈ వేడుకల్లో పాల్గొననున్నారు. జనవరి 3వ తేదీన జరిగే ప్రారంభ కార్యక్రమానికి ఎపి ముఖ్యమంత్రి చంద్రబా బు హాజరు కానున్నారు. జనవరి 5వ తేదీన జరిగే ముగింపు వేడుకలకు తెలంగాణ ముఖ్యమంత్రి రేవంత్ రెడ్డి వస్తున్నారని ప్రపంచ తె లుగు సమాఖ్య అధ్యక్షురాలు ఇందిరాదత్ తె లిపారు. ప్రముఖ తెలుగు పారిశ్రామి కవేత్తల ను, ఇతర రంగాలకు చెందిన కొందరు తెలు గు ప్రముఖులను కూడా ఆహ్వానించి సత్కరించనున్నారు.

ఈ ద్వైవార్షిక అంతర్జాతీయ మ హాసభల్లో ప్రపంచ తెలుగు సమాఖ్య అనుబం ధ సంస్థల ప్రతినిధుల సమావేశం, వాణిజ్య, పారిశ్రామిక వేత్తల సదస్సులు కూడా ఏర్పా టు చేశారు. సాహిత్య, సాంస్కృతిక కార్యక్రమాల్లో భాగంగా
జానపద కళారూపాల ప్రదర్శన, కూచిపూడి నృత్య రూపకాలు, సాహితీ రూపకములు, భాషా, సంస్కృతులపై ప్రముఖుల ప్రసంగాలు, సినీ కళాకారుల ప్రదర్శనలు, సినీసంగీత విభావరి, తెలుగువారి చేనేత వస్త్ర అందాల ప్రదర్శన లతో పాటు మరికొన్ని ఆసక్తికర కార్యక్రమాలు ఉంటా యని నిర్వాహకులు వెల్లడించారు. యునికార్న్ కంపెనీలు స్టార్టప్ కంపెనీలు కూడా ఇందులో పాల్గొంటున్నాయి. విదేశాల్లో ఉన్న తెలుగు సంఘాల నాయకులు కూడా ఈ మహాసభల్లో పాల్గొనేందుకు హైదరాబాద్ వస్తున్నారు. ప్రపంచ తెలుగు సమాఖ్య వైస్ ప్రెసిడెంట్ కవిత దత్ మాట్లాడుతూ ఈ మూడు రోజులపాటు వివిధ కార్యక్రమాలను ఏర్పాటు చేశామని చెప్పారు. 10 మందికి బిజినెస్ యాచీవర్ అవార్డులు ఇస్తున్నామని, అదే విధంగా తమ తమ కంపెనీల ద్వారా సేవ – దాతృత్వ కార్యక్రమాలు చేస్తున్న వారికి సిఎస్‌ఆర్ (కార్పొరేట్ సోషియల్ రెస్పాన్సిబులిటీ) అవార్డ్ కూడా ఇస్తున్నట్లు తెలిపారు. ఈ మహాసభల్లో 3 రోజులపాటు జరిగే కార్య క్రమాల వివరాలను కూడా ఆమె తెలియజేశారుతెలియజేశారు.