పరువు కోసమే హత్య యువకుడిని హతమార్చి
100 కిలోమీటర్లు రాత్రంతా కారులో షికారు
చేసిన నిందితులు ఆరుగురు నిందితులు
రిమాండ్‌కు తరలింపు హత్యకు ఉపయోగించిన
కారు, కత్తి, ఐదు సెల్ ఫోన్లు స్వాధీనం
యువకుడిని హతమార్చి రాత్రంతా
కారులో నిందితుల షికారు
ఆరుగురు నిందితులను రిమాండ్‌కు
తరలించిన పోలీసులు
మన తెలంగాణ/సూర్యాపేట: పరువు కోసం నిండు ప్రాణాన్ని బలి తీసుకున్నారు. పెద్దలను కాదని కులాంతర వివాహం చేసుకున్న ఓ యువకుడి ప్రాణాలను పరువు నిలబెట్టుకునేందుకు నాయనమ్మ రాసిన రక్త చరిత్ర రెండు రోజుల క్రితం యువకుడు వడ్లకొండ కృస్ణ అలియాస్ మాల బంటిని హతమార్చిన ఘటన తెలిసిందే. ఈ హత్య కేసులో నిందితులను సూర్యాపేట రూరల్ పోలీసులు రెండు రోజుల్లోనే ఛేదించారు. జిల్లా పోలీసు కార్యాలయంలో బుధవారం ఏర్పాటు చేసిన విలేకరుల సమావేశంలో ఎస్‌పి సన్‌ప్రీత్ సింగ్ వెల్లడించారు. సూర్యాపేట పట్టణంలోని మామిళ్లగడ్డకు చెందిన కృష్ణ అలియాస్ బంటిని పిల్లలమర్రి గ్రామానికి చెందిన భార్గవి వివాహం చేసుకుంది. మనుమరాలు భార్గవి కులాంతర వివాహం చేసుకున్న నాటి నుంచి నాయనమ్మ కోట్ల బుచ్చమ్మ ఎలాగైనా బంటిని హతమార్చాలని మనుమళ్లకు పదే పదే చెప్పింది. మనుమళ్లతో పాటు ఆమె కుమారుడు సైదులుకు కూడా చెప్పడంతో తండ్రి, కుమారులు ఎలాగైనా బంటిని హతమార్చాలని రెండు నెలలుగా ప్లాన్ చేస్తూనే ఉన్నా రు.
బంటి భార్గవిని వివాహం చేసుకొని సూర్యాపేట పట్టణంలో నివాసం ఉంటున్నాడు. భార్గవి కు టుంబ సభ్యులు మనసులో పెట్టుకుని బంటిని ఎ లాగైనా చంపేయాలని ప్లాన్ ప్రకారం హత్యచేశా రు. హత్యకు ఉపయోగించిన కారు, కత్తి, ఐదు సె ల్ ఫోన్లను పోలీసులు స్వాధీనం చేసుకున్నారు. బంటిని హత్య చేసిన వారిలో భార్గవి తండ్రి కోట్ల నవీన్, సూర్యాపేట పట్టణంలోని తాళ్లగడ్డకు చెం దిన రౌడీషీటర్ బైరు మహేష్, కోట్ల సైదులు, కోట్ల వంశీ, కోట్ల బుచ్చమ్మ, నల్లగొండ పట్టణానికి చెం దిన నువ్వుల సాయిచరణ్ బంటిని హత్య చేశారు. వీరిపై ఎస్‌సి, ఎస్‌టి అట్రాసిటీ యాక్ట్ ప్రకారం కేసు నమోదు చేసి రిమాండ్‌కు తరలించారు. మూడుసార్లు స్కెచ్ ఫెయిల్ అయిన తర్వాత మహే ష్, నవీన్, వంశీ.. మహేష్ పొలం వద్ద కలుసుకుని ఈసారి ఎలాగైనా చంపాలని నిర్ణయించుకుని ఎట్టకేలకు ఈ ఘాతుకానికి పాల్పడ్డారు. ఈ కేసును ఛేదించిన డిఎస్‌పి రవి, రూరల్ సిఐ రాజశేఖర్, ఎస్‌ఐ బాలు నాయక్, సిబ్బంది కృష్ణ, కరుణాకర్, ఉమామహేష్, వేణును ఎస్‌పి అభినందించారు.