- Advertisement -
మోమిన్‌పేట్ : బస్సు ద్విచక్ర వాహనం ఢీకొన్న ప్రమాదంలో ఓ యువకుడు మృతి చెందిన సంఘటన మండల పరిధిలోని బూర్గుపల్లి గేటు సమీపంలో మంగళవారం చోటు చేసుకుంది. పోలీసులు తెలిపిన ప్రకారం వివరాలిలా ఉన్నాయి. మర్పల్లి మండలం, వీర్లపల్లి గ్రామానికి చెందిన గౌండ్ల సంగమేశ్వర్‌గౌడ్(30) మోమిన్‌పేట్ మీదుగా సదాశివపేట్ వైపు కరిష్మా దిచక్ర వాహనం((ఏపీ23ఏసీ7153)పై వెళుతుండగా ప్రమాదవశాత్తు బస్సు(టిఎస్08 3896)కు ఢీకొనగా పెట్రోల్ లీక్ అవడంతో ద్విచక్ర వాహనం కాలిపోయింది. ఈ ప్రమాదంలో సంగమేశ్వర్‌గౌడ్ అక్కడికక్కడే మృతి చెందాడు. మృతదేహాన్ని మర్పల్లి ఆసుపత్రికి తరలించి పోస్టుమార్టం నిర్వహించి మృతదేహాన్ని కుటుంబ సభ్యులకు అప్పగించారు. ఈ మేరకు ఎస్‌ఐ రవికుమార్ కేసు నమోదు చేసుకుని దర్యాప్తు చేస్తున్నట్టు తెలిపారు.
Young man killed in bus two-wheeler collision
- Advertisement -