- Advertisement -
హైదరాబాద్: ఆన్ లైన్ గేమ్స్ లో డబ్బులు పెట్టి మోసపోయిన ఓ యువకుడు ఉరివేసుకుని ఆత్మహత్య చేసుకున్నాడు. ఈ ఘటన నగరంలోని చందానగర్ లో చోటుచేసుకుంది. లోన్ యాప్ లో రుణం తీసుకుని యువకుడు వేధింపులకు గురయ్యాడు. ఓవైపు రుణం తీసుకున్న డబ్బులు పోవడం, ఇంకోవైపు లోన్ యాప్ నుంచి ఒత్తిడి పెరగడంతో మనస్థాపం చెందిన సదరు యువకుడు ఇంట్లో ఉరివేసుకుని ఆత్మహత్యకు పాల్పడ్డాడు.
సమాచారం అందుకున్న పోలీసులు వెంటనే సంఘటనాస్థలానికి చేరుకుని పరిశీలించారు. అనంతరం మృతదేహాన్ని పోస్ట్ మార్టం నిమిత్తం ఆస్పత్రికి తరలించారు. అనంతరం ఈ ఘటనపై పోలీసులు కేసు నమోదు చేసుకుని దర్యాప్తు చేయనున్నట్లు పేర్కొన్నారు.
- Advertisement -